ہیوسٹن: اے سی ای ایس کے زیرِ اہتمام ایک اور کامیاب سیشن کا انعقاد کیا گیا، جس میں شرکاء کو تنازعات سے مؤثر انداز میں نمٹنے، بہتر قیادت اور قائدانہ صلاحیتوں کو مزید نکھارنے کے حوالے سے اہم رہنمائی فراہم کی گئی۔
سیشن کا موضوع "تنازعات کے دوران رہنمائی” تھا، جس میں ملٹی فیملی انڈسٹری کی معروف ماہر کیٹی رگزبی نے اپنے تجربات، عملی مشاہدات اور قیمتی بصیرت سے شرکاء کو آگاہ کیا۔
سیشن کے دوران تنازعات کے مؤثر حل، مشکل حالات میں قیادت کے کردار اور قائدانہ صلاحیتوں میں بہتری سے متعلق مختلف اہم پہلوؤں پر تفصیلی گفتگو کی گئی۔ شرکاء نے اپنے تجربات بھی شیئر کیے، جس سے سیشن میں مفید اور بامقصد تبادلۂ خیال دیکھنے میں آیا۔
شرکاء کے مطابق یہ سیشن ملٹی فیملی انڈسٹری سے وابستہ رہنماؤں اور پیشہ ور افراد کے لیے ایک مفید موقع ثابت ہوا، جہاں انہیں عملی تجربات سے سیکھنے اور اپنی قائدانہ صلاحیتوں کو مزید بہتر بنانے کا موقع ملا۔
