ہیوسٹن، ٹیکساس، امریکا کا چوتھا بڑا شہر، اپنی متنوع ثقافت، بھرپور معیشت اور بین الاقوامی کیمونٹیز کے امتزاج کے لیے شناخت کیا جاتا ہے۔ یہ شہر لاکھوں افراد کا مسکن ہے، جو مختلف نسلی اور ثقافتی پس منظر سے تعلق رکھتے ہیں اور اسے ایک حقیقی کثیر الثقافتی مرکز بناتے ہیں۔

جنوبی ایشیائی کمیونٹی ہیوسٹن کے معاشی، سماجی اور ثقافتی تانے بانے میں ایک نمایاں مقام رکھتی ہے۔ یہاں 80 ہزار پاکستانی اور ڈیڑہ لاکھ سے زائد بھارتی نژاد امریکی آباد ہیں۔ شہر میں تقریباً ہزاروں بنگلہ دیشی، نیپالی، سری لنکن اور دیگر جنوبی ایشیائی باشندے رہائش پذیر ہیں۔ یہ برادریاں کاروبار، تعلیم، سیاست، صحت اور مختلف شعبوں میں فعال کردار ادا کر رہی ہیں جو ہیوسٹن کی ترقی میں کلیدی حیثیت رکھتی ہیں۔

” ہیوسٹن ٹربیون” انہی متحرک اور متنوع برادریوں کی ایک مضبوط، معتبر اور متحد آواز ہے۔ ہمارا پلیٹ فارم نا صرف خبروں اور معلومات کا ذریعہ ہے بلکہ یہ ایک ایسا فورم بھی ہے جو کمیونٹی کو جوڑنے، باخبر رکھنے اور بااختیار بنانے میں اپنی خدمات انجام دے رہا ہے۔