Houston Tribune

  • شہر نامہ
  • ثقافتی چوک
  • قانونی نکتہ
  • نوجوان نسل
  • رہنمائی
  • کلینڈر
  • شخصیات
  • ویڈیوز
  • English
Home Community

ٹیکساس میں مسلم ورثے کے اعتراف اور اسکولوں میں حلال کھانے کی فراہمی کے لیے ڈیموکریٹ ریاستی نمائندہ ڈاکٹر سلیمان لالانی کے متعدد بل پیش

webdesk by webdesk
نومبر 12, 2026
in Community, شہر نامہ
vlcsnap 2026 11 13 04h22m52s620
Share on FacebookShare on Twitter

ہیوسٹن: ٹیکساس میں نومبر کے انتخابی نتائج کے بعد سیاسی سرگرمیوں میں تیزی کے دوران پاکستانی نژاد امریکی ڈیموکریٹ ریاستی نمائندہ ڈاکٹر سلیمان لالانی نے قانون ساز اسمبلی کے آئندہ 90ویں اجلاس سے قبل مسلم کمیونٹی کے تاریخی، ثقافتی اور مذہبی تشخص سے متعلق متعدد قانونی بل پیش کر دیے ہیں۔ ان تجاویز میں ٹیکساس میں مسلم ہیریٹیج ڈے منانے، ماہِ رمضان کو سرکاری طور پر تسلیم کرنے اور سرکاری اسکولوں میں طلبہ کے لیے حلال کھانے کی سہولت فراہم کرنے کے اقدامات شامل ہیں۔

ڈاکٹر سلیمان لالانی ٹیکساس ہاؤس ڈسٹرکٹ 76 کی نمائندگی کرتے ہیں، جس میں فورٹ بینڈ اور ہیرس کاؤنٹی کے علاقے شامل ہیں۔ ریاستی قانون سازوں کے لیے پیر کے روز بل پیش کرنے کا عمل شروع ہونے کے پہلے ہی دن انہوں نے مختلف نوعیت کی قانون سازی کی تجاویز جمع کرا دیں۔

ڈاکٹر لالانی کی جانب سے پیش کردہ ہاؤس بل 236 (ایچ بی 236) کے تحت ٹیکساس گورنمنٹ کوڈ کے باب 662 میں ترمیم کرتے ہوئے ہر سال 4 فروری کو ریاست میں مسلم ہیریٹیج ڈے کے طور پر تسلیم کرنے کی تجویز دی گئی ہے۔ اس دن کا مقصد ٹیکساس اور امریکہ میں مسلم شہریوں کی تاریخی، ثقافتی اور سماجی خدمات اور کردار کو اجاگر کرنا ہے۔

اسی سلسلے میں انہوں نے ہاؤس ریزولوشن 16(ایچ آر 16) بھی پیش کی ہے، جس کے ذریعے 2027 کے مقدس ماہِ رمضان کو باضابطہ طور پر تسلیم کرنے کی تجویز دی گئی ہے۔ اس اعزازی قرارداد میں رمضان المبارک کے دوران روزے رکھنے والے مسلمانوں کی خدمات اور مذہبی روایات کا اعتراف کرتے ہوئے ریاست بھر کے مسلمانوں کے لیے نیک تمناؤں کا اظہار کیا گیا ہے۔

ڈاکٹر سلیمان لالانی نے سرکاری اسکولوں میں حلال کھانے کی فراہمی سے متعلق بھی دو الگ الگ بل پیش کیے ہیں۔ ہاؤس بل 401 (ایچ بی 401) کے تحت ٹیکساس کے سرکاری اسکول ڈسٹرکٹس اور اوپن انرولمنٹ چارٹر اسکولوں کو پابند کرنے کی تجویز ہے کہ والدین یا سرپرست کی درخواست پر مسلمان طلبہ کے لیے حلال کھانے کا متبادل فراہم کیا جائے۔ اس تجویز کا اطلاق اسکولوں کے ناشتے اور دوپہر کے کھانے دونوں پروگراموں پر ہوگا۔

دوسری جانب ہاؤس بل 426 (ایچ بی 426) میں بھی اسکولوں میں حلال کھانے کی فراہمی کی اسی نوعیت کی تجویز شامل ہے، تاہم اس کا دائرہ نسبتاً محدود رکھا گیا ہے۔ اس کے تحت کم از کم 21 لاکھ آبادی والی کاؤنٹیوں اور ان سے متصل کاؤنٹیوں کے سرکاری اسکول ڈسٹرکٹس اور چارٹر اسکولوں میں حلال کھانے کی سہولت فراہم کرنے کی تجویز دی گئی ہے۔

مسلم ہیریٹیج ڈے سے متعلق بل سامنے آنے کے بعد ریپبلکن رکنِ اسمبلی مائیک اولکاٹ نے سوشل میڈیا پلیٹ فارم ایکس پر اپنے ردعمل میں کہا کہ وہ پہلے ہی جانتے ہیں کہ اس بل پر ان کا ووٹ کیا ہوگا۔ انہوں نے بل کی مخالفت کا عندیہ دیتے ہوئے اس پر سیاسی تبصرہ بھی کیا۔

اسی طرح رئیر فاؤنڈیشن یو ایس اے کی بانی اور ایڈیٹر اِن چیف ایمی میک نے بھی سوشل میڈیا پر ان بلوں کے حوالے سے تنقیدی ردعمل ظاہر کیا۔ انہوں نے ڈاکٹر سلیمان لالانی اور مسلم ڈیموکریٹ رکنِ اسمبلی سلیمان بھوجانی کی سابقہ قانون سازی کی تجاویز کا حوالہ دیتے ہوئے مسلم ہیریٹیج، اسلاموفوبیا کے خلاف اقدامات، پاکستان ڈے کی سرکاری سطح پر شناخت اور حلال کھانے کی سہولت جیسے معاملات پر اپنے تحفظات کا اظہار کیا۔

واضح رہے کہ ٹیکساس کی 90ویں ریاستی قانون ساز اسمبلی کا اجلاس 12 جنوری 2027 کو آسٹن میں شروع ہوگا، جہاں ڈاکٹر سلمان لالانی کی جانب سے پیش کردہ ان بلوں پر قانون سازی کے مراحل آگے بڑھیں گے۔ ان تجاویز کی منظوری اور ان پر حتمی فیصلہ ریاستی مقننہ کے ارکان کے اختیار میں ہوگا۔

Tags: پاکستانٹیکساسڈاکٹر سلیمان لالانیریزولوشنمسلمہاؤس بلہیوسٹن

Related Posts

fb img 1795086195798048
شہر نامہ

ہیوسٹن میں برائس بایو گرین وے انڈر پاسز کی تکمیل، شارپسٹاؤن ٹریل کے دوسرے مرحلے کا سنگِ بنیاد رکھ دیا گیا

ہیوسٹن: شہر میں تفریحی سرگرمیوں، پیدل چلنے اور سائیکلنگ کی سہولیات کو فروغ دینے کے لیے ایک اہم پیش رفت...

by webdesk
نومبر 21, 2026
fb img 1795088423421086
شہر نامہ

سائپریس فیئر ہیوسٹن چیمبر آف کامرس کے ماہانہ ظہرانے کا انعقاد، میٹرس میک خصوصی مہمان مقرر

ہیوسٹن: سائپریس فیئر ہیوسٹن چیمبر آف کامرس کے ماہانہ ظہرانے کا انعقاد کیا گیا، جس میں مقامی کاروباری شخصیات، کمیونٹی...

by webdesk
نومبر 21, 2026
fb img 1795084163462002
شہر نامہ

ہیوسٹن میں اقوامِ متحدہ کی امریکی ایسوسی ایشن کے نیشنل لیڈرشپ سمٹ کا پہلی بار انعقاد

ہیوسٹن: اقوامِ متحدہ کی امریکی ایسوسی ایشن کے نیشنل لیڈرشپ سمٹ کا پہلی مرتبہ ہیوسٹن میں انعقاد کیا گیا، جس...

by webdesk
نومبر 20, 2026
fb img 1795090243070089
شخصیات

کانگریس ویمن سلویا آر گارسیا کو ہیوسٹن ایسٹ اینڈ چیمبر آف کامرس کے 2026 ایسٹ اینڈ لیجنڈ ایوارڈ سے نواز دیا گیا

ہیوسٹن: ہیوسٹن ایسٹ اینڈ چیمبر آف کامرس کی جانب سے امریکی کانگریس کی رکن سلویا آر گارسیا کو ان کی...

by webdesk
نومبر 20, 2026

جواب دیں جواب منسوخ کریں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Facebook Instagram

لنکس

  • ہوم
  • ہمارے بارے میں
  • رابطہ
  • رازداری کی پالیسی

کیٹیگریز

  • شہر نامہ
  • ثقافتی چوک
  • قانونی نکتہ
  • نوجوان نسل
  • رہنمائی
  • کلینڈر
  • شخصیات
  • ویڈیوز

تازہ ترین خبروں سے باخبر رہیں۔

No Result
View All Result
  • شہر نامہ
  • ثقافتی چوک
  • قانونی نکتہ
  • نوجوان نسل
  • رہنمائی
  • کلینڈر
  • شخصیات
  • ویڈیوز
  • English

© 2025 Houston Tribune