فورٹ بینڈ: کمیونٹی رابطوں، شہری شرکت اور مستقبل کے حوالے سے مکالمے پر مبنی ایک خصوصی نشست "ڈائیلاگ ود ڈیکسٹر” منعقد ہوئی، جس میں فورٹ بینڈ کاؤنٹی کے کمشنر ڈیکسٹر ایل میک کوئے نے شرکت کی اور کاؤنٹی کے مستقبل کے حوالے سے اپنے خیالات کا اظہار کیا۔
تقریب میں فورٹ بینڈ کاؤنٹی ڈیموکریٹک پارٹی کی چیئر وومن جینیفر کینٹو نے بھی شرکت کی۔ انہوں نے اپنی آرا پیش کرنے کے ساتھ شرکاء کے ساتھ سوال و جواب اور باہمی گفتگو میں حصہ لیا۔

اس موقع پر شرکاء نے مختلف امور پر سوالات کیے، اپنی تجاویز اور خیالات پیش کیے اور مقامی کمیونٹی سے متعلق معاملات پر کھل کر گفتگو کی۔ تقریب نے شہریوں اور مقامی رہنماؤں کے درمیان براہِ راست رابطے اور بامعنی مکالمے کے لیے ایک مؤثر پلیٹ فارم فراہم کیا۔
منتظمین نے میزبان کمیٹی، کوآرڈینیٹرز اور تمام شرکاء کا شکریہ ادا کیا جنہوں نے اپنی شرکت، سوالات اور تجاویز کے ذریعے اس نشست کو کامیاب اور بامقصد بنانے میں کردار ادا کیا۔
تقریب کا مقصد کمیونٹی کے افراد کو مقامی قیادت کے ساتھ براہِ راست گفتگو کا موقع فراہم کرنا اور فورٹ بینڈ کاؤنٹی کے مستقبل سے متعلق امور پر تعمیری مکالمے کو فروغ دینا تھا۔




