پاکستان چیمبر آف کامرس–یو ایس اے کو یہ اعزاز حاصل ہوا کہ اس نے بینک آف پنجاب کے صدر و سی ای او ظفر مسعود کو اُن کی کتاب Seat 1C کی رونمائی کے موقع پر خوش آمدید کہا۔ ہوائی حادثے سے زندہ بچ جانے، ذہنی صدمے پر قابو پانے اور غیر معمولی ہمت کے ساتھ زندگی کی طرف واپس لوٹنے کی اُن کی متاثر کن داستان نے شرکا کو گہرائی تک متاثر کیا۔ پوری تقریب کے دوران سامعین ہمہ تن گوش رہے۔
ڈپٹی قونصل جنرل عاشر شہزاد نے بھی اپنی آمد سے اس تقریب کی رونق بڑھائی۔ تقریب کی میزبانی مناہ پِپرانی نے نہایت عمدگی سے انجام دی۔چیمبر کے بورڈ نے ظفر مسعود کی خدمات اور کامیابیوں کے اعتراف میں انہیں اعزازی لائف ٹائم ممبرشپ پیش کی۔ یہ تقریب سلمان رزاقی، شاہد ہاشمی اور ترنم شبیر کی مشترکہ میزبانی میں منعقد ہوئی، جن کی محنت نے اس شام کو یادگار بنا دیا۔ جافر حسین کو چیمبر کی شاندار میڈیا کوریج پر خصوصی سراہا گیا۔ تقریب کی ایک خاص بات مشہور موسیقار نصرت حسین (وائٹل سائنز اور جنون) کی شرکت بھی تھی۔ صدر عامر پِپرانی کی قیادت اور نائب صدر ایس۔ ایم۔ علی، ہمائرہ ریحان، فوزیہ خان، فراز جاوید، جہانزیب لاخانی، فُرخ خان اور عفاف شریف کی انتھک محنت کے باعث یہ شام نہایت کامیاب ثابت ہوئی، جس پر تمام ٹیم کو خصوصی طور پر خراجِ تحسین پیش کیا گیا۔
