ہیوسٹن میں گزشتہ شب ایک پُروقار اور رنگا رنگ گالا کا انعقاد کیا گیا جس میں کاروباری رہنماؤں، ممتاز تاجروں، مخیر شخصیات اور کمیونٹی نمائندگان نے بڑی تعداد میں شرکت کی۔ یہ تقریب اُن افراد کے اعزاز میں منعقد کی گئی جنہوں نے کمیونٹی کی مضبوطی، ترقی اور خدمت میں نمایاں کردار ادا کیا ہے۔تقریب میں قونصل جنرل آفتاب چوہدری اور اسٹیٹ ریپریزنٹیٹو ڈاکٹر سلیمان لالانی نے خصوصی طور پر شرکت کی۔ دونوں معزز مہمانوں نے کمیونٹی کی ترقی اور اجتماعی کوششوں کو سراہا، جس سے تقریب کی وقعت مزید بڑھ گئی۔
تقریب سے خطاب کرتے ہوئے چیمبر کے صدر عامر پِپرانی نے تین سالہ کارکردگی رپورٹ پیش کی اور چیمبر کی کامیابیوں، جاری منصوبوں اور مستقبل کے اہداف پر روشنی ڈالی۔ انہوں نے بورڈ ممبران کی خدمات کو سراہتے ہوئے پیٹرن اِن چیف سلمان رزاقی کا خصوصی شکریہ ادا کیا اور انہیں چیمبر کی کامیابی کا اہم ستون قرار دیا۔
تقریب کا سب سے نمایاں حصہ ایوارڈز کی تقسیم تھی۔ ڈی پی ای جی گروپ کے سی ای او نک دھانانی کو ’انٹرپرینیور آف دی ڈی کیڈ‘ کے اعزاز سے نوازا گیا۔ شاہد اور شاہین ہاشمی کو کمیونٹی فلاح و بہبود کے لیے ’فلاحی خدمات ایوارڈ‘ پیش کیا گیا۔ سعید شیخ کو ان کی دہائیوں پر محیط خدمات پر ’لائف ٹائم اچیومنٹ ایوارڈ‘ دیا گیا۔ جبکہ شوقت مریدیا کو ’ایمبسڈر آف دی چیمبر‘ قرار دیا گیا۔
تقریب کے دوران میڈیا، عوامی روابط اور ایونٹ مینجمنٹ کے شعبوں میں نمایاں کردار ادا کرنے والی شخصیات کی بھی پذیرائی کی گئی۔ میڈیا ڈائریکٹر حمیرا ریحان، پی آر ڈائریکٹر جہانزیب لاکھانی اور ایونٹ ڈائریکٹر فروح خان کی خدمات کو سراہا گیا۔ ہیوسٹن کے معروف میڈیا شخصیات شمعین سید اور جمیل صدیقی کو بھی خصوصی اعزاز دینے کا اعلان کیا گیا۔
معروف شاعر و ادیب وسی شاہ نے اپنے خصوصی کلام اور شاندار پرفارمنس سے شرکا کو محظوظ کیا، جبکہ بینک آف پنجاب کے سی ای او ظفر مسعود کو بھی خصوصی طور پر سراہا گیا۔
گالا چیئر ایس۔ ایم۔ علی کو تقریب کے بہترین انعقاد پر زبردست خراجِ تحسین پیش کیا گیا۔ ان کی ٹیم — فراز جاوید، فوزیہ خان، عفّاف شریف، منال جعفر، طلحہ شبیر، فروح خان اور جہانزیب لاکھانی — نے ایونٹ کو کامیاب بنانے میں اہم کردار ادا کیا۔ خوبصورت سجاوٹ پر ارم پِپرانی کو خصوصی طور پر سراہا گیا۔
تقریب کے دوران معاون اداروں اور افراد کو بھی خراجِ تحسین پیش کیا گیا۔ آغا ریستوران اور شوقت مریدیا نے شاندار کھانے کا انتظام کیا، جبکہ ایمبیسی سوئٹس اور عظمیٰ خان نے بہترین مہمان نوازی فراہم کی۔ سیج پروڈکشنز (سیج اور رے) نے ساؤنڈ اور ایل ای ڈی سسٹم کو عمدگی سے سنبھالا۔ ذیشان جعفری نے فوٹوگرافی، ویڈیو آرٹ اور گرافکس کے ذریعے تقریب کو خوبصورتی سے محفوظ کیا۔
تقریب جشن اور عزم کے ساتھ اختتام پذیر ہوئی، جس نے کاروباری قیادت، ثقافتی فروغ اور ہیوسٹن کی کمیونٹی کی ترقی کے لیے نئے جذبے کو جنم دیا۔
