پاکستان چیمبر آف کامرس یو ایس اے (PCC-USA) نے ہیوسٹن میں ایک شاندار تقریب کا انعقاد کیا، جس میں معروف اور بین الاقوامی سطح پر ایوارڈ یافتہ مصنف عمار حبیب کو ان کی ادبی خدمات پر خراجِ تحسین پیش کیا گیا۔
تقریب میں پاکستانی نژاد امریکی کمیونٹی کی سرکردہ شخصیات، منتخب نمائندوں اور ثقافتی تنظیموں کے نمائندوں نے بڑی تعداد میں شرکت کی۔ اس موقع پر سلمان رزاقی (پیٹرن ان چیف اور چیئرمین ایڈوائزری کونسل)، زین مارڈیا (لیگل کونسل)، اشر شہزاد (وائس قونصل جنرل آف پاکستان)، اور غلام خان (صدر پاکستان ہیریٹیج فاؤنڈیشن) موجود تھے۔معزز مہمانوں میں ARY نیٹ ورک سے غضنفر ہاشمی، پاکستان ایسوسی ایشن آف گریٹر ہیوسٹن (PAGH) کے صدر سراج نرسی، ڈاکٹر یاسمین قریشی، JKAAH کے صدر فہیم آخوند، MCUSA کے صدر شاہد سنی، اور بانی رکن ممتاز خان بھی شامل تھے۔
تقریب کے دوران 434ویں ڈسٹرکٹ کورٹ کے جج باسیرا کو بھی خصوصی طور پر سراہا گیا۔پاکستان چیمبر آف کامرس یو ایس اے کی موجودہ قیادت — عامر پپرانی (صدر)، ایس ایم علی (نائب صدر)، منال جعفر (جنرل سیکریٹری)، فوزیہ خلیل خان (جوائنٹ سیکریٹری)، طلحہ شبیر (خزانچی)، فروخ خان اور عفاف شریف — کو ان کی خدمات پر خراجِ تحسین پیش کیا گیا۔اس تقریب کے انعقاد میں پاکستان ہیریٹیج فاؤنڈیشن اور قائداعظم فاؤنڈیشن کا کلیدی کردار رہا۔تقریب کا مقصد عمار حبیب جیسے ادیبوں کی حوصلہ افزائی کے ساتھ ساتھ، پاکستانی نژاد امریکی برادری کی علمی، ثقافتی اور ادبی میدان میں خدمات کو اجاگر کرنا تھا۔
