مظفر وہرہ کو ہیوسٹن 80-20 ایشین امریکن پولیٹیکل ایکشن کمیٹی نے 3 مئی کو ہونے والے شوگرلینڈ سٹی کونسل ایٹ لارج پوزیشن 1 کے انتخابات کے لیے باضابطہ طور پر حمایت دے دی۔ اس موقع پر مظفر وہرہ نے اس حمایت کا شکریہ ادا کرتے ہوئے کہا کہ اعتماد اور حمایت حاصل ہونے پر بے حد اعزاز محسوس ہو رہا ہے۔ شہری شمولیت اور ایشیائی امریکن آوازوں کو بلند کرنے کی کاوشیں قابل تعریف ہیں۔ میں شوگر لینڈ کو مزید جامع، ہمدرد اور متحد بنانے کے لیے کام جاری رکھنے کے لیے پرجوش ہوں۔ اپنی انتخابی مہم کے دوران، مظفر وہرہ نے حال ہی میں ایک کمیونٹی میٹ اینڈ گریٹ میں شرکت کی، جہاں انہیں کامن ویلتھ اور آس پاس کے علاقوں کے ووٹرز سے بات چیت کرنے کا موقع ملا۔ انہوں نے گفتگو اور کمیونٹی میں شمولیت کی اہمیت پر زور دیا، اس بات کو اجاگر کرتے ہوئے کہ ایسے مکالمے تعلقات کو مضبوط بنانے اور مقامی مسائل کے حل میں معاون ثابت ہوتے ہیں۔
مظفر وہرہ نے کلاڈین واس اور ویرو پینا کی کاوشوں کو بھی سراہا، جنہوں نے ایک تقریب کا انعقاد کیا جو جانوروں کے حقوق، ماحولیاتی تحفظ، اور شہری حقوق کے لیے وقف تھی۔ اس موقع پر انہوں نے کہا کہ مجھے ان پرجوش سماجی کارکنوں کے ساتھ کھڑے ہونے پر فخر ہے، جو ہماری کمیونٹی میں ایک مثبت تبدیلی لا رہے ہیں
