ہیوسٹن:ڈاکٹر سلیمان لالانی نے اپنی انتخابی مہم کے آغاز کے موقع پر منعقدہ تقریب میں شرکت کرنے والے تمام افراد، حامیوں اور کمیونٹی رہنماؤں کا تہہ دل سے شکریہ ادا کرتے ہوئے کہا کہ عوام کی محبت، اعتماد، احترام اور بھرپور حمایت ان کے لیے انتہائی اہمیت رکھتی ہے۔
اپنے پیغام میں ڈاکٹر سلیمان لالانی نے کہا کہ انتخابی مہم کی افتتاحی تقریب محض ایک سیاسی سفر کا آغاز نہیں بلکہ یہ ان لوگوں، دوستیوں، تعلقات اور کمیونٹی کے ساتھ مضبوط وابستگی کی ایک خوبصورت یاد دہانی ہے، جو اس سفر کو بامعنی بناتی ہے۔ انہوں نے کہا کہ تقریب میں بڑی تعداد میں ایسے افراد کی موجودگی جو ان پر اعتماد اور یقین رکھتے ہیں، ان کے لیے انتہائی حوصلہ افزا اور جذباتی لمحہ ہے۔
انہوں نے کہا کہ وہ اپنے حامیوں کے اعتماد کو کبھی معمولی نہیں سمجھیں گے اور اس اعتماد کا جواب مزید محنت، خلوص اور وقف شدہ عوامی خدمت کے ذریعے دینے کے لیے پرعزم ہیں۔
ڈاکٹر سلیمان لالانی نے کہا کہ یہ سفر کسی ایک فرد کا نہیں بلکہ سب کا مشترکہ سفر ہے۔ عوام کی محبت اور حمایت ان کے ساتھ ہے، ان کے حوصلے بلند ہیں اور ان کا عزم غیر متزلزل ہے۔
انہوں نے اپنے عزم کا اظہار کرتے ہوئے کہا کہ "ہم سب مل کر آگے بڑھیں گے، مثبت تبدیلی لائیں گے اور کامیابی حاصل کریں گے۔”
