ہیوسٹن: ریٹائرڈ ایجوکیٹرز کے اجلاس میں عوامی تعلیمی نظام کے تحفظ، اساتذہ کے حقوق اور تعلیمی شعبے کی بہتری سے متعلق اہم امور پر تفصیلی تبادلہ خیال کیا گیا۔
اجلاس کے شرکاء نے عوامی تعلیم کے نظام کو مضبوط بنانے اور اساتذہ کو دورانِ ملازمت اور ریٹائرمنٹ کے بعد ضروری سہولیات، حقوق اور تحفظ فراہم کرنے کے عزم کا اظہار کیا۔
مقررین نے کہا کہ عوامی تعلیمی نظام معاشرے کی ترقی اور نئی نسل کی بہتر تربیت میں بنیادی کردار ادا کرتا ہے، اس لیے اس کے استحکام، بہتری اور اساتذہ کو درپیش مسائل کے حل کے لیے مؤثر اور عملی اقدامات ناگزیر ہیں۔
اجلاس سے خطاب کرتے ہوئے مقررین نے کہا کہ عوامی تعلیم کے نظام کے تحفظ اور اساتذہ کے حقوق کے لیے نومبر میں ہونے والے انتخابات میں عوام کو اپنے نمائندوں کا انتخاب سوچ سمجھ کر کرنا چاہیے۔ انہوں نے زور دیا کہ ایسے نمائندوں کو آگے لایا جائے جو تعلیم، اساتذہ کے حقوق اور عوامی مفاد کے تحفظ کے لیے مؤثر کردار ادا کر سکیں۔
