اسلامک سوسائٹی آف گریٹر ہیوسٹن نے عیدالفطر کے موقع پر ایک بڑے کمیونٹی اجتماع کا اعلان کیا ہے۔ “عید پریئر ایٹ لارج” کے عنوان سے ہونے والا یہ ایونٹ بیو سٹی ایونٹ سینٹر میں منعقد ہوگا جہاں علاقے بھر سے سینکڑوں فیملیز کی شرکت متوقع ہے۔ منتظمین کے مطابق عید کی یہ گیدرنگ 19 یا 20 مارچ 2026 کو منعقد ہوگی، جس کا حتمی فیصلہ رمضان المبارک کے اختتام پر چاند نظر آنے کے بعد کیا جائے گا۔تقریب میں یو ایس کانگریس مین ال گرین خصوصی گیسٹ کے طور پر شریک ہوں گے۔ ان کی شرکت کمیونٹی یونٹی، سوشل انگیجمنٹ اور انٹر فیتھ ہارمونی کی اہمیت کو اجاگر کرے گی۔متوقع بڑی تعداد کو مدنظر رکھتے ہوئے دو کانگریگیشنل عید پریئرز کا انتظام کیا گیا ہے۔
پہلی پریئر: صبح 9:00 بجے
دوسری پریئر: صبح 10:30 بجے
نماز کی امامت معروف اسلامی اسکالر اور اسپیکر عمار الشکری کریں گے۔ ایونٹ کو فیملی فرینڈلی بنانے کے لیے بچوں کے لیے گفٹ بیگز کا بھی انتظام کیا گیا ہے تاکہ ہر عمر کے افراد اس خوشی کے موقع سے لطف اندوز ہو سکیں۔ تقریب کے مقام پر پارکنگ کی سہولت موجود ہوگی، تاہم پارکنگ کے لیے معمولی فیس ادا کرنا ہوگی اور اس کے لیے کیش کو ترجیح دی جائے گی۔
9401 نائٹ روڈ پر واقع بیو سٹی ایونٹ سینٹر میں عید پریئر کے بعد کمیونٹی گیدرنگ بھی ہوگی جہاں فیملیز اور دوست احباب مل کر عید کی خوشیاں منائیں گے۔
منتظمین نے کمیونٹی ممبرز کو مشورہ دیا ہے کہ وہ ایڈوانس رجسٹریشن مکمل کریں اور بروقت مقام پر پہنچیں تاکہ انٹری اور پریئر میں شرکت آسانی سے ممکن ہو سکے۔ اسلامک سوسائٹی آف گریٹر ہیوسٹن کے مطابق اس طرح کے کمیونٹی ایونٹس نہ صرف مسلم کمیونٹی کے درمیان روابط کو مضبوط بناتے ہیں بلکہ ہیوسٹن کے وسیع معاشرے میں کلچرل انڈرسٹینڈنگ اور یونٹی کو بھی فروغ دیتے ہیں۔
