فورٹ بینڈ: معروف کمیونٹی رہنما امیر ارسلان ملک کی فورٹ بینڈ سینٹرل اپریزل ڈسٹرکٹ کے انتخاب میں کامیابی کے موقع پر ان کے اعزاز میں ایک پروقار تقریبِ جشنِ فتح منعقد کی گئی، جس میں کمیونٹی کی اہم شخصیات اور دیگر معززین نے شرکت کی۔
اس موقع پر شرکاء نے امیر ارسلان ملک کو انتخابی کامیابی پر مبارکباد پیش کرتے ہوئے ان کے لیے نیک تمناؤں کا اظہار کیا۔ مقررین نے عوامی خدمت کے جذبے، کمیونٹی کے لیے ان کی خدمات اور سماجی سرگرمیوں میں ان کی دلچسپی کو سراہا۔

تقریب میں اظہارِ خیال کرتے ہوئے شرکاء کا کہنا تھا کہ امیر ارسلان ملک کی کامیابی ان کی مسلسل محنت، عوامی خدمت کے جذبے اور کمیونٹی سے وابستگی کا اعتراف ہے۔ انہوں نے امید ظاہر کی کہ وہ نئی ذمہ داری کو احسن انداز میں نبھاتے ہوئے علاقے کے عوام کے مفادات کے لیے اپنا کردار ادا کریں گے۔
اس موقع پر انہیں مبارکباد پیش کی گئی اور مستقبل کی ذمہ داریوں میں مزید کامیابیوں کے لیے نیک خواہشات کا اظہار کیا گیا۔




