ہیوسٹن پبلک لائبریری کی سینٹرل لائبریری کے قیام کی 50ویں سالگرہ کے موقع پر خصوصی تقریب کا انعقاد کیا گیا، جس میں شہری و ریاستی رہنماؤں کے علاوہ کمیونٹی کے افراد اور ہر عمر کے کتاب دوستوں نے شرکت کی۔
تقریب کے دوران خصوصی پریزنٹیشنز پیش کی گئیں اور نمایاں خدمات انجام دینے والی شخصیات کو اعزازات سے نوازا گیا۔ اس موقع پر شرکاء کی دلچسپی کے لیے مختلف سرگرمیوں کا بھی اہتمام کیا گیا، جن میں دستکاری، موسیقی اور کمیونٹی روابط کو فروغ دینے والی سرگرمیاں شامل تھیں۔
تقریب میں بچوں، نوجوانوں اور خاندانوں نے بھرپور دلچسپی کا اظہار کیا اور اس تاریخی سنگِ میل کی خوشیوں میں شریک ہوئے۔
ہیوسٹن پبلک لائبریری انتظامیہ نے تقریب میں شرکت کرنے والے تمام افراد کا شکریہ ادا کرتے ہوئے کہا کہ سینٹرل لائبریری کی 50ویں سالگرہ کا جشن علم، مطالعے اور کمیونٹی کے ساتھ لائبریری کے مضبوط تعلق کی عکاسی کرتا ہے۔
