شوگرلینڈ کی میئر کیرول میک کیچن نے جمعہ کے روز ISGH مسجد التقویٰ (سائناٹ اسلامک سینٹر) کا دورہ کیا، جہاں انہوں نے نمازِ جمعہ کے بعد مسلم کمیونٹی کے افراد سے ملاقات کی۔
اس موقع پر نمازیوں کو براہِ راست اپنے خیالات، سوالات اور خدشات میئر کے ساتھ شیئر کرنے کا موقع ملا۔ ملاقات کا مقصد باہمی سمجھ بوجھ اور شہر کی قیادت و مسلم کمیونٹی کے درمیان مضبوط تعلقات کو فروغ دینا تھا۔
یہ انٹرایکٹو سیشن کمیونٹی لیڈر مظفر وھوڑا کی جانب سے ترتیب دیا گیا تھا، جنہوں نے اس بات پر زور دیا کہ عوامی نمائندوں اور شوگرلینڈ کی متنوع کمیونٹیز کے درمیان روابط کو مزید بڑھانا وقت کی ضرورت ہے۔میئر میک کیچن نے اپنی گفتگو میں شمولیت پسندی کے عزم کا اعادہ کیا اور کہا کہ کمیونٹی انگیجمنٹ ہی ایک مضبوط، متحد اور خوشحال شہر کی بنیاد ہے۔
