ہیوسٹن: الیف انڈیپنڈنٹ اسکول ڈسٹرکٹ نے ویسٹ چیز ڈسٹرکٹ کے اشتراک سے ایک رنگا رنگ فال فیسٹیول کا انعقاد کیا، جس میں تعلیمی مواقع سے متعلق آگاہی فراہم کی گئی اور اسکول انتظامیہ کو والدین اور اہلِ خانہ سے براہِ راست رابطے کا موقع ملا۔
فیسٹیول کے دوران الیف آئی ایس ڈی کے تعلیمی اداروں کے سربراہان نے والدین سے ملاقاتیں کیں اور اسکولز آف چوائس پروگرام کے تحت دستیاب تعلیمی سہولتوں اور مواقع کے بارے میں آگاہ کیا۔

تقریب میں پری کنڈرگارٹن پروگراموں میں والدین کی خصوصی دلچسپی نمایاں رہی۔ الیف آئی ایس ڈی انتظامیہ کے مطابق، بڑھتی ہوئی آبادی اور خاندانوں کی ضروریات کو مدنظر رکھتے ہوئے ابتدائی بچپن کی تعلیم کے پروگراموں کو وسعت دینے کے امکانات کا جائزہ لیا جا رہا ہے۔
اسکول ڈسٹرکٹ نے ویسٹ چیز ڈسٹرکٹ اور فیسٹیول میں شرکت کرنے والے تمام افراد کا شکریہ ادا کرتے ہوئے کہا کہ اس طرح کی تقریبات کمیونٹی سے روابط مضبوط بنانے اور بچوں کے لیے دستیاب تعلیمی مواقع کو اجاگر کرنے میں اہم کردار ادا کرتی ہیں۔




